ທະນາຄານການຄ້າຕ່າງປະເທດລາວ ມະຫາຊົນ ສາຂາແຂວງເຊກອງ ໄດ້ໃຫ້ການສະໜັບສະໜູນງານກິລາພື້ນເມືອງລາວທົ່ວປະເທດຄັ້ງທີVIII.

ທະນາຄານການຄ້າຕ່າງປະເທດລາວ ມະຫາຊົນ ສາຂາແຂວງເຊກອງ ໄດ້ໃຫ້ການສະໜັບສະໜູນງານກິລາພື້ນເມືອງລາວທົ່ວປະເທດຄັ້ງທີVIII.
ລົງຂ່າວວັນທີ: 4/10/2555
ຈຳນວນຄັ້ງອ່ານຂ່າວ: ຂ່າວນີ້ໄດ້ອ່ານ 93 ຄັ້ງ

 

 

ທະນາຄານ​ການ​ຄ້າ​ຕ່າງປະ​ເທດ​ລາວມະຫາຊົນສາຂາ​ແຂວງ​ເຊ​ກອງ​ ໄດ້​ໃຫ້ການສະໜັບສະ ໜູນ​​ງານ​ກິລາພື້ນ​ເມືອງ​ລາວ​ທົ່ວ​ປະ​ເທດຄັ້ງ​ທີVIII ທີ່​ຈະ​​ຈັດຢູ່ແຂວງ​ເຊ​ກອງໃນ​ລະຫວ່າງ​ວັນ​ທີ 19-25ພະຈິກ 2012. ມູນ​ຄ່າທັງ​ໝົດ 18.000.000 ກີບ ,​ໃນ​ນັ້ນ​ມີ​ເງີ​ນສົດ9.120.000 ກີບ  ​ແລະ ​ເປັນ​ວັດຖຸ(​ເສື້ອ​ໂປ​ໂລ ທຄຕລ) ຈຳນວນ 150 ຜືນ ມູນ​ຄ່າ 8.880.000 ກີບ,​ ພິທີ​ ມອບ-ຮັບ​ໄດ້​ຈັດ​ຂຶ້ນ​ໃນ​ວັນ​ທີ 26/09/2012 ທີ່​ຫ້ອງ​ປະຊຸມ​ຂອງ​ພະ​ແນ​ກສຶກສາ​ກິລາ​ແຂວງ​ເຊ​ ກອງ ​​​ກ່າວ​ມອບໂດຍ ທ່ານ ​ເລັດ​ສະໝອນ ​ໄຊ​ບົວ​ເງິນ ຮັກສາ​ການ​ຫົວໜ້າ​ສາຂາ ທຄຕລ  ສາຂາ​ເຊ​ກອງ ​ແລະ ກ່າວຮັບ​ໂດຍ ທ່ານ ຖາວອນ ພົມມະ​ໄລ​ລຸນ ຄະນະ​ປະຈຳ​ພັກ​ແຂວງ,  ຮອງ​ເຈົ້າ​ແຂວງໆ​ເຊ​ກອງ, ຊ້ອງ​ໜ້າ​ຂອງ​ຄະນະ​ກຳມະການ​ລະດົມ​ທຶນ​ຂັ້ນ​ແຂວງ ​ແລະ​  ພະນັກງານ​ກ່ຽວຂ້ອງ​ຂອງ ທຄຕລ ສາຂາ​ເຊ​ກອງ. ສ່ວນເສື້ອ​ຈຳນວນ 150 ຜືນ​ນີ້ ທາງ​ ແຂວງ​ໄດ້​ນຳ​ໃຊ້​ເຂົ້າ​ໃນ​ການ​ແຂ່ງຂັນ​ກິລາ​ກອ໊ບ​,ທີ່ໄດ້​ຈັດ​ຂຶ້ນ​ໃນ​ວັນ​ທີ 30/09/2012 ​ຜ່ານ​ມາ  ຢູ່​ສະໜາມ​ກອ໊ບຫຼັກ7 ​ເມືອງ ປາກ​ເຊ​ ​ແຂວງ​ຈຳປາ​ສັກ ​ໃຫ້​ກຽດ​ເປັນ​ປະທານ ​ໂດຍ​ ພະນະ​ ທ່ານ ສົມ​ສະຫວາດ ​ເລັ່ງສະຫວັດ ກຳມະການ​ກົມ​ການ​ເມືອງ ສູນ​ກາງ​ພັກ ຮອງ​ ນາຍົກລັດຖະມົນຕີ ຜູ້​ຊີ້​ນຳ​ເສດຖະກິດ, ​ແລະ​ການ​ເຂົ້າ​ຮ່ວມ​ຂອງ ທ່ານ ພັນ​ຄຳ ວິພາ​ວັນ  ກຳມະການ​ກົມ​ການ​ເມືອງ ສູນ​ກາງ​ພັກ ລັດຖະມົນຕີ​ກະຊວງ​ສຶກສາ​ ແລະ​ ກິລາ, ບັນດາ​ທ່ານ ​ເຈົ້າ​ແຂວງ, ຮອງ​ເຈົ້າ​ແຂວງ ຕະຫຼອດ​ຮອດ​ນັກທຸລະກິດ ​ແລະ ​ນັກ​ກິລາ​ກ໊ອບ​ໃນ 4 ​ແຂວງ​ ພາກ​ໃຕ້​ເຂົ້າ​ຮ່ວມ 100 ​ກວ່າ​ຄົນ.

 

Categories: Uncategorized | Leave a comment

ທະນາຄານພົງ​ສະຫວັນ ເຊື່​ອມຕໍ່ລະບົບ​ບັດ​ເອທີ​ເອັມ ກັບ ທະນາຄານ​ກຸງ​ເທບ

ທະນາຄານພົງ​ສະຫວັນ ເຊື່​ອມຕໍ່ລະບົບ​ບັດ​ເອທີ​ເອັມ ກັບ ທະນາຄານ​ກຸງ​ເທບ

 

ທະ​ນາຄາ​ນພົງສະຫວັນຈໍາກັດ, ທະ​ນາຄາ​ນກຸງ​ເທບ​ແລະບໍລິສັດ​ ປະມວນ​ຜົນຈໍາກັດ​ໄດ້​ລົງ​ນາມ​ເຊັນ​ສັນຍາ​ ຮ່ວມ​ມືກັນ​ເປີດ​ບໍລິການການ​ເຊື່ອມ​ຕໍ່​ລະ​ບົບ​ ບັດ​​ເອທີ​ເອັມ(ATM) ແນໃສ່ພັດທະນາ ການບໍລິການການສ້າງພື້ນຖານຮ່ວມທຸລະກິດ ແລະ ພັດທະນາທຸລະກິດການຊໍາລະສະສາງ ຂ້າມຊາຍແດນ ໃຫ້ມີຄວາມຄຶກຄື້ນກໍ່ຄື ການພັດທະນາເສດຖະກິດ ຂອງຊາດ ໃຫ້ເຕີບໃຫຍ່ເຂັ້ມແຂງ.

ພິທີ​ເຊັນ​ສັນຍາ ​ແລະ ​ເປີດ​ການ​ນໍາ​ໃຊ້​ຢ່າງ​ເປັນ​ທາງ​ການ​ໄດ້​ຈັດ​ຂຶ້ນ​ເມື່ອ​ ວັນ​ທີ24 ກຸມພາ2012 ທີ່ ​ໂຮງ​ແຮມ ​ດອນ​ຈັນ​ພາ​ເລດ ນະຄອນຫຼວງ​ວຽງ​ຈັນ, ຮ່ວມ​ລົງ​ນາມ​ຄັ້ງ​ນີ້​ແມ່ນ​ ທ່ານ​ ນາງ​ແສງ​ດາວ ບຸບ​ພະ​ກອນ​ຄໍາ ຜູ້ອໍານວຍການ​ໃຫຍ່ ທະນາຄານພົງ​ສະ​ຫວັນ ຈໍາກັດ, ທ່ານ​ ນາງ​ ສຸທິ​ຣາ ສີ​ໄພບູນ ຮອງ​ຜູ້ອໍານວຍການ​ໃຫຍ່ ທະນາຄານ ກຸງ​ເທບມະຫາຊົນຈໍາກັດ, ທ່ານ ນາງ ບຸດສະບາ ພິບູນ​ຊົນ ຜູ້ອໍານວຍການ​ ບໍລິສັດ​ສູນ​ປະມວນ​ຜົນຈໍາກັດ​ເຊິ່ງມີ ທ່ານ ສົມ​ວັນ​ດີ ນາ​ຖາ​ວົງ ຮອງ​ເຈົ້າ​ຄອງ ນະຄອນຫຼວງ​ວຽງ​ຈັນ, ມີ​ທູດ​ໄທ​ປະຈໍາ​ປະ​ເທດ​ລາວ​​ແຂກ​ຖືກ​ເຊີນ​ແລະພະນັກງານ​ຂອງ​ທະນາຄານ​ເຂົ້າ​ ຮ່ວມ.

ການ​ຮ່ວມ​ມື​ໃນ​ໂຄງການ​ດັ່ງກ່າວ​ແມ່ນ​ຈະ​ໄດ້​ຮັບ​ໝາກຜົນ​ທີ່​ດີ​ໃຫ້​ແກ່​ ທະນາຄານ​ ແລະ ລູກ​ຄ້າ​ເປັນ​ຕົ້ນ​ແມ່ນ​ເປັນ​ການ​ຮ່ວມ​ມື​ທຸລະ​ກິດ​ກັບ​ ທະນາຄານ​ທີ່​ມີ​ຊື່​ສຽງ ​ແລະ ​ໄດ້​ມາດຕະຖານສາກົນ​ເຊິ່ງຈະ​ເປັນ​ການ​ສ້າງ​ພາບ​ພົດ​ແລະຊື່​ສຽງ​ໃຫ້​ກັບ​ ທະນາຄານ​ພົງ​ສະຫວັນ ​ເພື່ອ​ກ້າວ​ໄປ​ສູ່​ລະດັບ​ສາກົນ​ເປັນ​ການ​ຍົກ​ສູງ, ​ເພີ້​ມຊ່ອງ​ທາງ​ການບໍລິ​ການ ​ແລະ ການ​ສ້າງ​ຄວາມ​ສະ​ດວກ​​ໃຫ້​ແກ່​ລູກ​ຄ້າ​ຂອງ​ທະນາຄານ​ໂດຍ​ສະ​ເພາະ​ບັນດາ​ລູກ​ ຄ້າ​ດໍາ​ເນີນ​ທຸລະ​ກິດ​​ໃນ​ປະ​ເທດ​ໄທ​ ໂດຍ​ບໍ່​ຈໍາ​ເປັນ​ຕ້ອງ​ພົກ​ພາ​ເງິນສົດ, ​ເປັນ​ການ​​ເສີມ​ສ້າງ​ປະສົບ​ການ ​ແລະ ​ເຕັກນິກ​ວິຊາ​ການ​ໃຫ້​ແກ່​ ພະນັກງານ​ໄດ້​ປະສານ​ແລະ​ເຮັດ​ວຽກ​ຮ່ວ​ມກັບ​ພະນັກງານ ທະນາຄານ​ທີ່​ມີ​ປະສົບ​ການ​ວິຊາ​ສະ​ເພາະ​ລະດັບ​ສາກົນ​ແລ​ະເປັນ​ຈຸດ​ລິ​ເລີ້ມ​ ໃນ​ການ​ພົວພັນ​ອັນ​ດີ​ທາງ​ດ້ານ ​ການ​ທະນາຄານ​, ​ໂຄງການ​ດັ່ງ​ກ່າວ​ແບ່ງ​ອອກ​ເປັນ​ ສອງ​ໄລຍະ​ຄື: ​ໄລຍະ​ທີ1 ບັດATM ຂອງ​ທະນາຄານ​ພົງ​ສະຫວັນສາມາດ​ໄປ​ກົດ​ຖອນ​ເງິນ ​ແລະ​ ກວດຍອດ​ເງິນທີ່​ຕູ້​ກຸງ​ເທບ​ໄດ້​ແລະ​ໄລຍະ​ທີ2 ​ແມ່ນ​ບັດATM ຂອງ​ທະນາຄານ​ກຸງ​ເທບ​ສາມາດ​ມາ​ກົດ​ເງິນ​ແລ​ະກວດ​ຍອດ​ເງິນ​ທີ່​ຕູ້ATM ຂອງ​ທະນາຄານ​ພົງ​ສະຫວັນ​ໄດ້.

Categories: Uncategorized | Leave a comment

ຂ່າວຫລ້າສຸດ

  ທ່ານນາຍົກລັດຖະມົນຕີ ໃຫ້ກຽດກ່າວເປີດກອງປະຊຸມກະສິກຳ ແລະ ປ່າໄມ້ອາຊຽນຢ່າງເປັນທາງການ
ກອງ​ປະ­ຊຸມ​ລັດ­ຖະ­ມົນ­ຕີ​ກະ­ສິ­ກຳ ແລະ ປ່າ­ໄມ້ ອາ​ຊຽນ ຄັ້ງ​ທີ 34 ແລະ ກອງ​ປະ­ຊຸມ​ລັດ­ຖະ­ມົນ­ຕີ​ກະ­ສິ­ກຳ ແລະ ປ່າ­ໄມ້ ອາ​ຊຽນ+3 ຄັ້ງ​ທີ 12 ທີ່ ສປປ ລາວ ເຮົາ​ເປັນ​ເຈົ້າ­ພາບ​ຈັດ​ຂຶ້ນ​ວັນ​ທີ 28 ກັນ­ຍາ 2012 ທີ່​ນະ­ຄອນ­ຫຼວງ​ວຽງ​ຈັນ ໃຫ້​ກຽດ​ກ່າວ​ເປີດ​ຂອງ​ທ່ານ ທອງ​ສິງ ທຳ​ມະ​ວົງ ນາ­ຍົກ­ລັດ­ຖະ­ມົນ­ຕີ ມີ​ບັນ­ດາ​ທ່ານ​ລັດ­ຖະ­ມົນ­ຕີ​ກະ­ສິ­ກຳ ແລະ ປ່າ­ໄມ້ ອາ​ຊຽນ ແລະ ອາ​ຊຽນ+3 ທ່ານ​ຮອງ​ເລ­ຂາ­ທິ­ການ​ໃຫຍ່ ກອງ​ເລ­ຂາ​ອາ​ຊຽນ ທ່ານ​ຫົວ­ໜ້າ ແລະ ຄະ­ນະ​ຜູ້​ແທນ​ອາ​ຊຽນ​ເຂົ້າ​ຮ່ວມ….  ອ່ານຕໍ່>>
  ທ່ານ ສົມສະຫວາດ ເລັ່ງສະຫວັດ ຕ້ອນຮັບທູດອາເມລິກາຄົນໃຫມ່
ບານເຕະ ຢູຟ່າ ແຊັມປ້ຽນ ລີກ ຮອບຊິງຊະນະເລີດ ເອຊີ ມິລານ 3 ລິເວີຣ໌ພູນ 3 (ລິເວີຣ໌ພູນ ຊະນະດວນຈຸດໂທດ 3-2)ສຶກທະລົ່ມເຈົ້າຢູໂຣບ ທີ່ສະຫນາມ ອາຕາຕຸກ ປະເທດຕຸຣະກີ ເອຊີ ມິລານ ແຊັມ 4 ສະໄຫມ ຊຶ່ງ ທັງຄູ່ພົບກັນໃນຮອບຊິງຊະ ນະເລີດ ແຊັມປ້ຽນ ລີກ ເປັນຄັ້ງທຳອິດ ນັດນີ້ ເອຊີ ມິລານ ສົມ ບູນພ້ອມທຸກຕຳແຫນ່ງຂາດພຽງ ມັສຊິໂມ ອຳໂບຣຊິນີ ທີ່ເປັນໂຕ ອ່ານຕໍ່>>
  ເມືອງສິງ – ເມືອງລອງ ໄດ້ຮັບຜົນກະທົບຈາກໄພນ້ຳຖ້ວມ
ເມືອງສິງ – ເມືອງລອງ ແຂວງຫລວງນ້ຳທາ ໄດ້ເກີດພາຍຸຝົນພັດເຂົ້າ ໃນຕອນເຊົ້າວັນທີ 25-28 ສິງຫາ 2010 ຜ່ານມານີ້ ເຮັດໃຫ້ມີນ້ຳປ່າ …ອ່ານຕໍ່>>
  ລະບົບພະນັກງານ
ອົງການໄອຍະການປະຊາຊົນໃນຂັ້ນຕ່າງໃນ ສປປ ລາວ ແມ່ນ ປະກອບດ້ວຍບັນດາພະນັກງານດັ່ງນີ້: 1. ໄອຍະການປະຊາຊົນ. 2. ຮອງໄອຍະການປະຊາຊົນ. 3. ພະນັກງານສອບສວນ ແລະ ກົງຈັກຊ່ວຍວຽກ. ອ່ານຕໍ່>>
Categories: Uncategorized | Leave a comment

ສະຫວັນນະເຂດເຊື່ອເສດຖະກິດປີນີ້ ຈະເຕີບໂຕຕາມແຜນ ເຖິງມີຫລາຍສິ່ງທ້າທາຍ

 ຂ່າວ
 ເສດຖະກິດ
 ບັນເທີງ
 ແຈ້ງການ – ປະຊາສໍາພັນ
 ທ່ອງທ່ຽວ
 ສຶກສາ
 ເຕັກໂນໂລຊີ
 ກິລາ
 ຄວາມຮັກ
 ນາໆໜ້າຮູ້
 ຮູບພາບປະທັບໃຈ
 ປະກາດຮັບສະໝັກພະນັກງານ
 ປະກາດຮັບສະໝັກນັກສຶກສາ
 ກາບກອນ-ຄໍາຄົມ
 ປະກາດຊື້-ຊາຍ-ເຊົ່າ
ສະຫວັນນະເຂດເຊື່ອເສດຖະກິດປີນີ້ ຈະເຕີບໂຕຕາມແຜນ ເຖິງມີຫລາຍສິ່ງທ້າທາຍ
 ແຂວງ​ສະຫວັນ​ນະ​ເຂດ​ ເຊື່ອ​ວ່​າໃນ​ສົກ​ງົບປະມານ​ທີ່​ຈະ​ຫມົດ​ລົງ​ໃນ​​ເດືອນຫນ້າ​ນີ້, ​ເສດຖະກິດ​ຂອງ​ແຂວງ​ຈະ​ສືບ​ຕໍ່​ເຕີບ​ໂຕ​​ໃນ​ລະດັບ12,5% ​ເຖິງ​ວ່າ​​ປີ​ນີ້ສະຫວັນ​ນະ​ເຂດ​ຈະ​ປະ​ເຊີນ​ກັບ​ຄວາມ​ຫຍຸ້ງຍາກ​ຫຼາຍ​ປະການ ທັງ​ວິ​ກິດ​ການ​ເສດຖະກິດ​-ການ​ເງິນ​ຈາກ​ພາ​ຍນອກ, ບັນຫາ​ລາຄາ​ນໍ້າມັນ​ຂຶ້ນໆ​ລົງກໍ​ຕາມ.

ທ່ານ ຄໍາ​ເຜີຍ ຜັນ​ທະ​ຈອນ ຮອງ​ເຈົ້າ​ແຂວງ​ສະຫວັນ​ນະ​ເຂດ ກ່າວ​ຕໍ່​ທີ​ມຂ່າວ​ເສດຖະກິດ-ການ​ຄ້າ ​ເມື່ອ​ບໍ່​ດົນ​ມາ​ນີ້​ວ່າ: ​ເຖິງ​ວ່າ​ໃນ6​ເດືອນ​ສົກ​ປີ2011-2012 ​ແຂວງ​ສະຫວັນ​ນະ​ເຂດ​ ໄດ້​ປະ​ເຊີນ​ກັບ​ຄວາມ​ຫຍຸ້ງຍາກ​ຫຼາຍ​ປະການ ​ເປັນ​ຕົ້ນ​ແມ່ນ​ວິ​ກິດ​ເສດຖະກິດ-ການ​ເງິນຈາກ​ພາຍ​ນອກ, ລາຄາ​ສິນຄ້າ​ນໍາ​ເຂົ້າ ແລະ​ ຄ່າ​ຂົນ​ສົ່ງ​ທີ່​ເພີ່ມ​ຂຶ້ນຈາກ​ບັນຫາ​ລາຄາ​ນ້າ​ມັນ​ທີ່​ແພງ​ ​ເຮັດ​ໃຫ້​ຕົ້ນ​ທຶນ​ການ​ຜະລິດ ​ແລະ​ມູນ​ຄ່າ​ໂຄງ ການ​ກໍ່ສ້າງ​ຖີບ​ຕົວສູງ​ຂຶ້ນ, ສົ່ງ​ຜົນ​​ໃຫ້​ພາກ​ທຸລະ​ກິດ ນັກ​ລົງທຶນ​ມີ​ຄວາມ​ກັງວົນ.

 

ຂົວມິດຕະພາບ2 ຫນຶ່ງໃນປະຕູດ່ານດ້ານການຄ້າ-ການລົງທຶນອັນສໍາຄັນ ທີ່ຍູ້ການເຕີບໂຕໃຫ້ແກ່ແຂວງສະຫວັນນະເຂດ

 

ທ່ານ ກ່າວ​ຕື່ມ​ວ່າ: ຕໍ່​ສະພາບ​ດັ່ງກ່າວ ​ແຂວງ​ກໍໄດ້​ມີ​ການ​ຄົ້ນຄວ້າ​ຊີ້​ນໍາ ​ໂດຍ​ໄດ້​ຈັດ​ຕັ້ງ​ຄະ​ນະຕ້ານໄພ​ເງິນ​ເຟີ້​ ແລະ ​ຄະນະ​ຊຸກຍູ້​ລາຍ​ຮັບ​ຂອງ​ແຂວງ ​ເພື່ອ​ຄວບ​ຄຸມ​ລາຄາ​ສິນຄ້າ, ​ແກ້​ໄຂ ​ແລະ​ຊຸກຍູ້​ການ​ລົງທຶນ, ການ​ຄ້າ ​ແລະ​ການທ່ອງທ່ຽວ ລວມ​ເຖິງ​ຈັດ​ຕັ້ງ​ປະຕິບັດ​ໂຄງການ​ທີ່​ມີ​ໃນ​ແຜນ​ໃຫ້​ດໍາ​ເນີນ​ໄປ​ປົກ ກະຕິ.

 

ຮອດ​ປັດຈຸບັນ​ສະພາບ​ເສດຖະກິດ​ຂອງ​ແຂວງ​ ຍັງ​ສືບ​ຕໍ່​ຂະຫຍາຍຕົວ​ຕໍ່​ເນື່ອງ. ກາ​ນລົງທຶນ​ທັງ​ພາຍ​ໃນ ​ແລະ​ຕ່າງປະ​ເທດ, ການ​ຄ້າ,ການທ່ອງທ່ຽວ ຍັງ​ສືບ​ຕໍ່​ຂະຫຍາຍຕົວ​ລື່ນ​ໄລຍະ​ດຽວ​ຂອງ​ປີ​ກາຍ, ການ​ສຶກສາ, ສາທາລະນະ​ສຸກ ກໍ​ໄດ້​ຮັບ​ການ​ພັດທະນາ​ກ້າວ​ຂຶ້ນ​ໄປ​ຄຽງ​ຄູ່​ກັນ ເຮັດ​ໃຫ້​ຫມົດ​ປີ​ ເສດຖະກິດ​ຂອງ​ແຂວງ​ຍັງ​ຈະ​ສືບ​ຕໍ່​ເຕີບ​ໂຕ​ໃນ​ລະດັບ​ສູງ​ຄື​ບໍ່​ຫລຸດ12,5% ຕາມ​ທີ່​ຕັ້ງ​ເປົ້າ​ໄວ້, ທ່ານ ຮອງ​ເຈົ້າ​ແຂວງ​ກ່າວ.

ອີງ​ຕາມ​ບົດ​ລາຍ​ງານ​​ ການ​ພັດທະນາ​​ເສດຖະກິດ-ສັງຄົມ​ຂອງ​ແຂວງ​ສະຫວັນ​ນະ​ເຂດ​ ໃນ 6 ​ເດືອນ ສົກ​ປີ​ນີ້​ໃຫ້​ຮູ້​ວ່າ:  ລາຍ​ຮັບ​ງົບປະມານ​ມາ​ຮອດ​ວັນ​ທີ 16​ ມິຖຸນາ ປະຕິບັດ​ໄດ້ທັງ​ຫມົດ 651,6 ຕື້ກີບ ​ເທົ່າ​ກັບ 77,05% ຂອງ​ແຜນ​ການ​ປີ (845,6ຕື້​ກີບ) ທຽບ​ໃສ່​ໄລຍະ​ດຽວກັນ​ຂອງ​ປີກາຍ​ເພີ່ມ​ຂຶ້ນ​ເຖິງ40%. ​ສ່ວນ​ລາຍ​ຈ່າຍ​ແມ່ນ​ປະຕິບັດ​ໄດ້ 250,6 ຕື້ກີບ ​ເທົ່າ​ກັບ 56,4% ຂອງ​ແຜນການ​ປີ.

ການ​ສົ່ງ​ອອກ​ໃນ6​ເດືອນ​ຜ່ານ​ມາ ມີ​ມູນ​ຄ່າ 571,8 ລ້ານ​ໂດ​ລາ​ສະຫະລັດ ​ເທົ່າ​ກັບ 57% ຂອງ​ແຜນ ການ​ປີ ທຽບ​ໃສ່​ໄລ​ຍະ​ດຽວ​ກັນ​ຂອງ​ປີຜ່ານມາ​ເພີ່ມ​ຂຶ້ນ 11,4%. ໃນ​ຂະນະ​ທີ່​ການ​ນໍາ​ເຂົ້າ​ມີ​ມູນ​ຄ່າ221,8 ລ້ານ ໂດ​ລາ​ສະຫະລັດ ​ເທົ່າ​ກັບ53,2% ຂອງ​ແຜນການ​ປີ. ດ້ານ​ການ​ລົງທຶນ​ຂອງ​ລັດ​ທີ່​ສະພາ​ແຫ່ງ​ຊາດ​ອະນຸມັດ ມີ​ຈໍານວນ234​ໂຄງການ ມູນ​ຄ່າ66,6ຕື້ກີບ, ມາ​ຮອດ6​ເດືອນ​ປະຕິບັດ​ໄດ້​ແລ້ວ75%ຂອງ​ແຜນການ​ປີ ​ເທົ່າ​ກັບ56,2ຕື້​ກີບ

 

ສ່ວນ​ການ​ລົງທຶນ​ຂອງ​ຕ່າງປະ​ເທ​ດ​ໃນ6​ເດືອນ​ຜ່ານ​ມາ ບໍ່​ຄ່ອຍ​ຄຶກຄັກ​ປານ​ໃດ ​ເມື່ອ​ມີ​ພຽງ10​ໂຄງ ການ ມູນ​ຄ່າ 46,06 ລ້ານ​ໂດ​ລາ​ສະຫະລັດ ​ເທົ່າ​ກັບ 15,4% ຂອງ​ແຜນການ. ຂະນະ​ທີ່​ການ​ລົງທຶນ​ຂອງ​ນັກ ທຸລະກິດ​ເອກະ​ຊົນ​ພາຍ​ໃນ​ນັບທັງ​ແບບ​ຄອບຄົວ ​ແລະ​ ລະບົບ​ສິນ​ເຊື່ອ​ທະນາຄານ​ມີ​ມູນ​ຄ່າ 739 ​ຕື້​ກີບ.

​ໃນ 6 ​ເດືອນ​ຜ່ານ​ມາ​ ມີ​ໂຮງງານ​ອຸດສາຫະກໍາ​ເກີດ​ຂຶ້ນ​ໃຫມ່ 17​ ແຫ່ງ. ​ເຮັດ​ໃຫ້​ປັດຈຸ​ບັນ​ທົ່ວ​ແຂວງ ມີ​ໂຮງງານ​ອຸດສາຫະກໍາ​ທັງ​ຫມົດ2.646​ ແຫ່ງ; ​ໃນ​ນັ້ນ​ຂະຫນາດ​​ໃຫຍ່ 56​ ແຫ່ງ, ຂະຫນາດ​ກາງ 81 ​ແຫ່ງ, ນ້ອຍ 2.281 ​ແຫ່ງ ​ແລະ  ​ຂະຫນາດ​ຄອບຄົວ 228​ ແຫ່ງ​ເຊັ່ນ: ​ໂຮງງານ​ຜະລິດ​ຫມໍ້​ໄຟ​ ແລະ ​ອຸປະກອນ​ສາກ​ຫມໍ້​ໄຟ​ທຸກ​ຊະນິດ, ​ໂຮງງານ​ຖ່ານ​ຂາວ​ອັດ​ແຮງ​ສົ່ງ​ອອກ, ​ໂຮງງານ​ຜະລິດ​ຊີມັງ​ກາ​ຊ້າງ​ເຜືອກ​ແລະ​ໂຮງງານ​ອື່ນໆ.

ສ່ວນ​ຂົງ​ເຂດ​ການທ່ອງທ່ຽວ ກໍ​ມີ​ຄວາມ​ຄຶກຄັກ ​ໃນ6​ເດືອນ​ມີ​ນັກ​ທ່ອງ​ທ່ຽວ​ເຂົ້າ​ແຂວງ​ສະຫວັນ​ນະ​ເຂດ ​ແລະ​ຜ່ານ​​ໄປ​ສູ່​ປະ​ເທດ​ທີ​ສາມ​ເຖິງ507.465 ຄົນ ​ເທົ່າ​ກັບ 63,4% ຂອງ​ແຜນການ​ປີ. ດ້ານ​ອໍານາດ​ການ​ປົກຄອງ​ແຂວງຄາດ​ວ່າ​ຫມົດ​ປີ​ຈະ​ບັນລຸ​ບໍ່​ຕໍ່າ​ກວ່າ1​ລ້ານ​ຄົນ.

ທ່ານ ​ຮອງ​ເຈົ້າແຂວງ ​ເນັ້ນ​ວ່າ: ​ສິ່ງ​ທີ່​ເປັນ​ແຮງ​ຍູ້​ໃຫ້​​ເສດຖະກິດ​ຂອງ​ແຂວງ​ເຕີບ​ໂຕຢ່າງຫນັກ​ ໃນ​ຊຸມ​ປີຜ່ານມາ​ ແມ່ນ​ມາ​ຈາກປັດ​ໄຈ​ການ​ລົງທຶນ ທັງ​ຈາກ​ພາກ​ລັດ ​ແລະ ​ເອກະ​ຊົນ, ການ​ຊຸກຍູ້​ວຽກ​ງານ​ບໍລິການ-ທ່ອງ​ທ່ຽວ, ​ຊຸກຍູ້​ສົ່ງ​ເສີມ​ການ​ຊົມ​ໃຊ້​ພາຍ​ໃນ ​ແລະ ​ການ​ຜະລິດ​ເພື່ອ​ເປັນ​ສິນຄ້າ​ປ້ອນ​ຕະຫລາດ​ພາຍ​ໃນ ​ແລະ​ສົ່ງ​ອອກ. ​ໂດຍ​ເນັ້ນ​ໃສ່3​ທ່າ​ແຮງ​ເປັນ​ຕົວ​ຍູ້​ຫນູນ​ໃນການ​ພັດທະນາ​ເສດຖະກິດ-ສັງຄົມ ຄື​ທ່າ​ແຮງ​ດ້ານ​ກະສິກໍາ-ປ່າ​ໄມ້, ​ ການ​ບໍລິການ​ ​ແລະ ດ້ານ​ບໍ່​​ແຮ່.

 

 

Categories: Uncategorized | Leave a comment

ຕ້ອນຮັບຄະນະຜູ້ແທນສະພາແຫ່ງຊາດ

Categories: Uncategorized | Leave a comment

ການບິນລາວ ຈະຂະຫຍາຍ ຖ້ຽວບິນໄປຈີນ ເກົາຫຼີໃຕ້

ລາວ

ການບິນລາວ ຈະຂະຫຍາຍ ຖ້ຽວບິນໄປຈີນ ເກົາຫຼີໃຕ້ ແລະຍີ່ປຸ່ນ

ພິທີຕ້ອນຮັບ ເຮືອບິນ Airbus 320A ຂອງສາຍການບິນລາວ ເມື່ອທ້າຍປີ 2011.

ສື່ຕ່າງໆຂອງຂ່າວຫລືລາຍງານນີ້

ສຽງ
  • ຟັງລາຍງານກ່ຽວກັບ ສາຍການບິນລາວ ຈະຂະຫຍາຍ ຖ້ຽວບິນ
ຫຍໍ້ຫລືຂະຫຍາຍໂຕອັກສອນ
ຊົງຣິດ ໂພນເງິນ

04.10.2012

ການບິນ​ລາວ​ຈະ​ຂະຫຍາຍ​ຖ້ຽວ​ບິນ​ລະຫວ່າງ​ປະ​ເທດ​ໄປ​ເມືອງ​
ກວາງ​ໂຈ​ວຂອງ​ຈີນ​ແລະ​ກຸງ​ໂຊ​ລກັບ​ເມືອງ​ປູຊາ​ນຂອງ​ເກົາຫຼີ​ໃຕ້
ທັງ​ຍັງ​ຈະ​ຂະຫຍາຍ​ຖ້ຽວ​ບິນ​ໄປ​ກຸງ​ໂຕ​ກ່ຽວ​ຂອງ​ຍີ່ປຸ່ນ​ອີກ​ດ້ວຍ.

ທ່ານ​ສະ​ເຫຼີ​ມ ​ໄຕ​ຍະ​ລາດ ຫົວໜ້າ​ຝ່າຍ​ຂາຍ​ແລະ​ການ​ຕະຫຼາດ
​ຂອງ​ລັດ​ວິ​ສາ​ຫະກິດ​ການ​ບິນ​ລາວ ​ໃຫ້ການ​ຢືນ​ຢັນ​ວ່າ ລັດ​ວິ​ສາ​
ຫະກິດ​ການ​ບິນ​ລາວ​ມີ​ແຜນການ ທີ່​ຈະ​ຂະຫຍາຍ​ເສັ້ນທາງ​ການ
ບິນ​ຈາກ​ນະຄອນ​ວຽງ​ຈັນ​ໄປ​ເມືອງ​ກວາງ​ໂຈ​ວຂອງ​ຈີນ ​ແລະ​ກຸງ
​ໂຊ​ລກັບ​ເມືອງ​ປູຊາ​ນຂອງ​ເກົາຫຼີ​​ໃຕ້​ໃນ​ໝໍ່ໆ​ນີ້ ​ໂດຍ​ເປັນ​ສ່ວນ​ນຶ່ງ
​ໃນ​ແຜນການ​ຂະຫຍາຍ​ຖ້ຽວ​ບິນ​ລະຫວ່າງ​ປະ​ເທດ​ຂອງ​ສາຍ
​ການບິນ​ລາວ​​ໃຫ້​ຫຼາຍ​ຂຶ້ນ ດ້ວຍ​ການ​ນໍາ​ໃຊ້​ເຮືອບິນ Airbus-
320A ທີ່​ສັ່ງ​ຊື້​ແລະ​ໄດ້​ຮັບ​ການ​ສົ່ງ​ມອບ​ຈາກບໍລິ ສັດ Airbus ​
ແຫ່ງ​ປະ​ເທດ​ຝຣັ່ງຢ່າງ​ເປັນທາງ​ການ​ລາວ​ນັບ​ຕັ້ງ​ແຕ່​ທ້າຍ​ປີ 2011 ​ເປັນ​ຕົ້ນ​ມາ.

ທັງ​ນີ້​ໂດຍ​ຖ້າ​ຫາກ​ວ່າການ​ດໍາ​ເນີນ​ງານ​ເປັນ​ໄປ​ຕາມ​ແຜນການ​ທີ່​ວາງ​ໄວ້​ກໍ​ໝາຍ ຄວາມ​ວ່າ​ຖ້ຽວ​ບິນ​ຈາກ​ນະຄອນ​ວຽງ​ຈັນ​ໄປ​ເມືອງ​ກວາງ​ໂຈ​ວນັ້ນ ຈະ​ສາມາດ​ເລີ່​ມ ທໍາ​ການບິນ​ໄດ້​ພາຍ​ໃນ​ເດືອນ​ພະຈິກ ​ແລະ​ກໍ​ຈະ​ຕິດຕາມ​ດ້ວຍ​ຖ້ຽວ​ບິນ​ຈາກ​ນະ ຄອນ​ວຽງ​ຈັນ​ໄປ​ກຸງ​ໂຊ​ລ ​ແລະ​ເມືອງ​ປູຊາ​ນ​ໃນ​ເດືອນ​ທັນວາ​ປີ​ນີ້.

ຍິ່ງ​ໄປ​ກວ່າ​ນັ້ນ ​ເພື່ອ​ເປັນ​ການ​ສົ່ງ​ເສີມ​ແລະ​ອໍານວຍ​ຄວາມ​ສະດວກ​ໃຫ້​ນັກ​ທ່ອງ​ທ່ຽວ​ຊາວ​ຕ່າງ​ຊາດ​ເດີນທາງ​ເຂົ້າມາ​ທ່ອງ​ທ່ຽວ​ໃນ​ລາວ​ຫຼາຍ​ຂຶ້ນດ້ວຍ​ນັ້ນ ສາຍ​ການ ບິນ​ລາວ​ກໍ​ຍັງ​ມີ​ແຜນການ​ທີ່​ຈະ​ຂະຫຍາຍ​ຖ້ຽວ​ບິນ​ໄປ​ຍັງ​ກຸງ​ໂຕ​ກຽວ​ຂອງ​ຍີ່ປຸ່ນ​ອີກ ດ້ວຍ ສ່ວນ​ຈະ​ມີ​ການ​ເປີດ​ຖ້ຽວ​ບິນ​ຕາມ​ເສັ້ນທາງ​ດັ່ງກ່າວ​ນີ້​ໄດ້​ເມື່ອ​ໃດ​ແລະ​ຈະ​ເປັນ ການບິນ​ໃນ​ຮູບ​ແບບ​ໃດ​ນັ້ນ ກໍ​ຂຶ້ນຢູ່​ກັບ​ຜົນ​ການ​ສຶກສາ​ຄວາມ​ເປັນ​ໄປ​ໄດ້​ເປັນ​ສໍາຄັນ ດັ່ງ​ທີ່​ທ່ານ​ສະ​ເຫຼີ​ມ​ໄດ້​ໃຫ້ການ​ຊີ້​ແຈງ​ວ່າ:

ທ່ານ​ສະ​ເຫຼີ​ມ ​ໄຕ​ຍະ​ລາດ

​​
​​“ປັດຈຸບັນ​ນີ້ ​ເຮົາ​ມີ​ແຜນການ​ທີ່​ຈະ​ບິນ​ໄປ​ກວາງ​ໂຈ​ວ​
​ແລະ​ກະບິນ​ໄປ​ໂຊ​ລ​ໄປ​ເກົາຫຼີ​ໃຕ້​ກະ​ມີ​ແຜນ​ຢູ່ ​ແລະ​
ພວກ​ເຮົາ​ກະ​ກໍາລັງ​ສຶກສາ​ຄວາມ​ເປັນ​ໄປ​ໄດ້​ຢູ່ ​ເພາະ
ວ່າ​ທີ​ມງານ​ພວກ​ເຮົາ​ກໍາລັງສຶກສາ​ຄວາມ​ເປັນ​ໄປ​ໄດ້​
ວ່າ​ເຮົາ​ຈະ​ບິນ​ເຂົ້າ​ໄປ​ຊ່ວງ​ໃດ ປະຕິບັດ​ການບິນ​ແບບ​​
ເຊົ່າ​ເໝົາ ຫຼື​ສິ​ເອົາ​ແບບ​ປົກກະຕິ​ອັນ​ນີ້​ພວກ​ເຮົາ​ຕ້ອງ​
ເບິ່ງ​ເພາະວ່າ​ພວກ​ເຮົາ​ກໍ​ຕ້ອງ​ດໍາ​ນຶງ​ເຖິງ​ປະສິດທິ​ຜົນ​
ໃນ​ການ​ດໍາ​ເນີນ​ທຸລະ​ກິດ.”

ກ່ອນ​ໜ້າ​ນີ້ ທ່ານ​ສົມ​ພອນ ດວງ​ດາລາ ຜູ້​ອໍາ​ນວຍ​ການ​ລັດ​ວິ​ສາ​ຫະກິດ​ການ​ບິນລາວໄດ້​ຖະ ແຫຼ​ງຢືນຢັນ​ວ່າ ການ​ດໍາ​ເນີນ​ທຸລະ​ກິດ​ຂອງ​ລັດ​ວິ​ສາ​ຫະກິດ​ກາ​ນບິນ ລາວ​ໄດ້​ມີ​ການ​ຂະ ຫຍາຍຕົວ​ເພີ່ມ​ຂຶ້ນຢ່າງ​ຕໍ່​ເນື່ອງ ຊຶ່ງ​ຈະ​ເຫັນ​ໄດ້​ຈາກ​ຜົນ​ປ​ະກອບ ການ​​ໃນ​ປີ 2011 ລັດ​ວິ​ສາ​ຫະກິດ​ການ​ບິນ​ລາວ​ກໍ​ສາມາດ​ສ້າງ​ລາຍ​ຮັບ​ໄດ້​ຫຼາຍ​ກວ່າ 500 ຕື້​ກີບ ຫຼື​ເພີ່ມ​ຂຶ້ນຈາກ​ປີ 2010 ຄິດ​ເປັນ​ອັດຕາ​ສະ​ເລ່ຍ​ເກືອບ 20% ຈຶ່​ງ​ເຮັດ​ໃຫ້​ເຊື່ອ​ວ່າ​ໃນ​ປີ 2012 ນີ້ ສາຍ​ການບິ​ນລາວ​ຈະ​ສາມາດ​ສ້າງ​ລາຍ​ຮັບ​ໄດ້ ​ໃນ​ມູນ​ຄ່າ​ລວມບໍ່​ເກີນ​ກວ່າ 650 ຕື້​ກີບ​ຢ່າງ​ແນ່ນອນ.

ຄະນະບໍລິຫານງານຂອງການບິນລາວ ທີ່​ໄດ້​ຮັບ​ລາງວັນ​ດີ​ເດັ່ນຈາກ​ສະ​ຖາ​ບັນ​ ການ​ບິນ​ພົນລະ​ເຮືອນ​ນາໆ ​ຊາດ​

​​
ທັງ​ນີ້​ໂດຍ​ການ​ດໍາ​ເນີນ​ທຸລະ​ກິດ​ຂອງ​ລັດ​ວິ​ສາ​ຫະກິດ​ການ​ບິນ
​ລາວ ທີ່​ມີ​ການ​ຂະຫຍາຍຕົວ​ແລະ​ມີ​ຜົນ​ກໍາ​ໄລ​ເພີ່ມ​ຂຶ້ນຢ່າງ​ຕໍ່​
ເນື່ອງ​ດັ່ງກ່າວ ກໍ​ຍັງ​ເປັນ​ຜົນ​ເຮັດ​ໃຫ້ ​ໄດ້​ຮັບ​ລາງວັນ​ດີ​ເດັ່ນຈາກ​
ສະ​ຖາ​ບັນ​ການ​ບິນ​ພົນລະ​ເຮືອນ​ນານາ​ຊາດ​ທັງ​ໃນ​ສະຫະລັດ
​ເຢຍຣະມັນ ອັງກິດ ​ແລະ​ຝຣັ່ງມາ​ແລ້ວ​ຫຼາຍ​ຄັ້ງ​ນັບ​ແຕ່​ປີ 2006 ​ເປັນ​ຕົ້ນ​ມາ.

ຍິ່ງ​ໄປ​ກວ່າ​ນັ້ນ ການ​ທີ່​ມີ​ຜູ້​ໂດຍສານ​ທັງ​ພາຍ​ໃນ​​ ແລະ​ຕ່າງປະ
​ເທດ​ໄດ້​ພາກັນ​ໃຊ້​ບໍລິການ​ຂອງ​ສາຍ​ການບິນ​ລາວ​ເພີ່ມ​ຂຶ້ນ
ທຸກໆ​ປີ ກໍ​ຄື​ຈາກ 5 ​ແສນ​ກວ່າ​ຄົນ​ໃນ​ປີ 2001 ​ເປັນ​ຫຼາຍ​ກວ່າ​ 9 ​ແສນ​ຄົນ​ໃນ​ປີ 2012 ນີ້​ກໍຍັງ​ເຮັດ​ໃຫ້​ລັດ​ວິ​ສາ​ຫະກິດ​ການ​ບິນ​ລາວ​ໄດ້​ວາງ​​ເປົ້າໝາຍ​ທີ່​ຈະ​ໃຊ້​ເງິນ​ທຶນ​ເຖິງ 200 ລ້ານ​ ໂດ​ລາ ສໍາລັບ​ຈັດຊື້​ເຮືອບິນ​ຂະໜາດ 150-200 ບ່ອນ​ນັ່ງ​ເພີ່ມ​ຂຶ້ນອີກ 4 ລໍາ ​ເປັນ​ຢ່າງ​ໜ້ອຍ ພາ​ຍ​ໃນ​ປີ 2015 ອີກ​ດ້ວຍ.

ສ່ວນ​ເຮືອບິນ Airbus–320A ທັງ​ສອງ​ລໍາ​ດັ່ງກ່າວ ລັດ​ວິ​ສາ​ຫະກິດ​ການບິນ​ລາວ ​ໄດ້​ສັ່ງ​ຊື້​
ມາ​ໃນ​ລາຄາ​ລວມກັນ​ເຖິງ 91 ລ້ານ​ໂດ​ລາ ​ໂດຍ​ໄດ້​ຮັບ​ການ​ສະໜັບສະໜຸນ​ເງິນ​ກູ້​ຈາກ​ທະ
ນາຄານ​ແຫ່ງ​ຊາດ​ລາວ​ກັບ​ທະນາຄານ​ການ​ຄ້າ​ຕ່າງປະ​ເທດ​ຂອງ ລັດຖະບານ​ລາວ​ໃນ​ມູນ​ຄ່າ 20 ລ້ານ​ໂດ​ລາ ​ແລະ 70 ລ້ານ​ໂດ​ລາມ​ຕາມ​ລໍາດັບ ​ແລະ​ສໍາລັບ​ເງິນ​ທຶນ​ທີ່​ຈະ​ນໍາ​ໃຊ້​ໃນ​ການຈັດ​ຊື້​ເຮືອບິນ​ຂະໜາດ​ໃຫຍ່​ເພີ່ມ​ຂຶ້ນອີກ 4 ລໍາ ພາຍ​ໃນ​ປີ 2015 ຊຶ່ງ​ຈະ​ມີ​ມູນ​ຄ່າ​​ເຖິງ 200 ລ້ານ​ໂດ​ລາ​ນັ້ນ ກໍ​ຄາດໝາຍ​ວ່າ ຈະ​ກູ້​ຢືມ​ຈາກ​ທະນາຄານ​ຂອງ​ລັດຖະບານ​ຈີນ​ເປັນ​ດ້ານ​ຫຼັກ.

ການລຽງລຳດັບ ຄວາມເຫັນຫຼ້າສຸດທຳອິດຕາມລຳດັບເວລາ

ຄລິກຢູ່ບ່ອນນີ້ເພື່ອສະແດງຄວາມເຫັນຂອງທ່ານ (13)

ໜ້າຄວາມເຫັນ
ໂດຍ: ບໍ່ຂໍອອກຊື່

09.10.2012 14:52
Lao have two airbus only,
if two airbus need fix,or broken how to do ?
we think Laos need more airbus for service tourist

ໂດຍ: ລີນ ຈາກ: ຂອນແກ່ນ

09.10.2012 00:50
ມາເດີກີນເຂົ້າຮ່ວມກັນພ້່ນ້ອງຄົນລາວທົ່ວໂລກອາຫານມີກ້ອຍປານຳ້ຂອງ ປີ້ງໄກ່ນາປົງ, ເອາະລາມເມືອງຫລວງແຖມເຫລົ້າບອງຢາຊູກຳລັງສຸດທ້າຍມາຟ້ອນລຳວົງລາວຮ່ວມກັນ

ໂດຍ: ລີນ ຈາກ: ຂອນແກ່ນ

09.10.2012 00:44
ດີໃຈນຳຄົນລາວທີ່ຢູ່ດີກີນອີ່ມຜູ້ໃດຢູ່ເມືອງນອກດົນແລ້ວ ກໍ່ມາຢາມເມືອງລາວແດ່ມີຂອງກີນຮັບຕ້ອນທຸກຢ່າງ ແຖມເບຍລາວອິກດ້ວຍເດີ

ໂດຍ: Lao Dee ຈາກ: USA

08.10.2012 11:05
If i go to Laos i don’t take the plan that China and CCCP build, those plans bad quality and easy to down. I scare to die,.

ໂດຍ: ບໍ່ຂໍອອກຊື່

07.10.2012 23:04
ເປັນຫຍັງຢືມແຕ່ເງິນ. ບໍ່ເຂົ້າໃຈເລີຍຄັນເວົ້າວ່າລາຍໄດ້ຕໍ່ົຫົວຄົນເພີ່ມຂຶ້ນ. ຖ້າຢືມເງິນແລ້ວມີຂໍ້ຜູກພັນສັນຍາຈ່າຍເງິນຮ່ວງໃດໃຊ້ໜີ
ບໍແມ່ນຈະມາເອົາທີ່ທຳມາຫາກິນຂອງປະຊາຊົນໃຊ້ນີ້, ຢາກໄດ້ບ່ອນໃດແລ້ງຊີ້ເອົາໂລດ. ຄັນເວົ້າຊ້ຳພັດວ່າປະເທດຊາດເປັນຂອງ
ປະຊາຊົນ ຄືບໍໃຫ້ປະຊາຊົນມີຄວາມຄິດເຫັນນຳແດ່ວ່າຈະມີການຢືມແລ້ວການໃຊ້ໜີເດເຮັດແນວໃດຄວນເປີດເຜີຍເພາະພາລະກໍຕົກ
ນຳປະຊາຊົນບໍ່ແມ່ນບຸກຄົນຜູ້ບໍລິຫານຜູ້ໃຜູ້ໜຶ່ງເທົ່ານັ້ນ.

ໂດຍ: Lao ຈາກ: Laos

07.10.2012 04:25
Our President they save a bit money maybe i will collect money from your father Mr. Sinthavong

ໂດຍ: sam ຈາກ: vte

07.10.2012 00:22
good news for lao tourist to flight direct there but how easy to do visa ?

ໂດຍ: ຖາວອນ ຈາກ: ທ່າແຂກ

05.10.2012 12:43
ເງິນກໍຢືມຈາກຈີນ ການສ້າງສາຕ່າງໆກໍເອົາແຕ່ຄົນງານມາຈາກຈີນ ເພາະລາວດູຖູກແລະລັງກຽດຄົນລາວດ້ວນກັນບໍ່ໃຫ້ຄຸນຄ່າຂອງ
ຄົນລາວເຮົາ ວ່າລາວບໍ່ມີການສຶກສາບໍ່ມີຄວາມສາມາດ, ດັ່ງນັ້ນຊາວຕ່າງຊາດຈຶ່ງໄດ້ພາກັນເຈັ່ຍລູກຈູງຫມາເຂົ້າມາເຕັມຢູ່ເມືອງລາວ ກໍຍ້ອນການນຳພາຂອງພັກ-ລັດທີ່ສລາດສ່ອງກົ້ນແລະບໍ່ມີຢາງອາຍ ກໍຄືເປັນຜູ້ນຳກົ້ນແກວ ນັ້ນເອງຕ່າງຫາກ.

ໂດຍ: Boun ຈາກ: Vientian,Laos

05.10.2012 11:51
We are communist, why we buy the plan from Serie country? we have China, Russia and our brother Vietnam they can built the big air plan too. I think know Lao gov’t talk something but do something. Serie country have never buy the air plan from communist. Oh God our Lao gov’t have betray its own communist secretly.

ໂດຍ: ລາວ ລາວ ຈາກ: ສປປ ລາວ

05.10.2012 10:03
ກຳໄລຈາກການບໍລິການຖ້ຽວບີນໄປໄສໝົດຄືບໍ່ເຫັນສົມທົບຈັກດອນ ຢືມແຕ່
ນຳຈີນຈັກໜ່ອຍຊິບໍ່ເອົາປະເທດໃຊ້ໜີ້ເລີຍບໍ່ທ່ານ ພວກເຈົ້ານາຍ ທັງສາມ
ທ່ານມີເງິນຫຼາຍ ຄືທ່ານ sinthavong ວ່າແທ້ ໜ້າຈະຢືມລອງເບີ່ງ ກ້າບໍ່ລະ
Lao Airline
ໜ້າຄວາມເຫັນ

ຂ່າວຫລ້າສຸດ

Multimedia ລົດສຳຫຼວດດາວພະອັງຄານ Curiosity ຂອງ NASA (ສະໄລດ໌ ກັບ ວີດີໂອ ຮຽນພາສາອັງກິດ)

ການສຳຫຼວດທີ່ໃຊ້ຍານ Curiosity ແມ່ນເພື່ອຮຽນຮູ້ວ່າ ດາວພະອັງຄານເຄີຍມີ ສະພາບແວດລ້ອມ ທີ່ອາດ​ໄດ້ ສະໜັບສະໜຸນ ​​ໃຫ້ຈຸນລະຊີບມີ​ຊີວິດ​ຢູ່ໄດ້ ຫລື​ບໍ່.

ອີກ

ສຽງ ລາວວາງແຜນ ເພີ້ມການຜະລິດ ໄຟຟ້າ ຂຶ້ນສິບເທົ່າ ພາຍໃນປີ 2025

ລາວ​ວາງ​ແຜນການ ​ທີ່​ຈະ​ເພີ່ມ​ ການ​ຜະລິດໄຟຟ້າ ​ຂຶ້ນອີກ 10 ​ເທົ່າ​ພາຍ​ໃນ​ປີ 2025 ດ້ວຍ​ການ​ສົ່ງ​​ເສີມ​ ການ​ລົງທຶນ​ສ້າງເຂື່ອນ​ ຕື່ມອີກຮອດ 80 ​ໂຄງການ.

ອີກ

ພາບຂອງເດັກນ້ອຍ ທີ່ຂາດທາດອາຫານ ຢູ່ໃນອ້ອມກອດແມ່ ໃນເຢເມນ.

ສຽງ ມີເກືອບຮອດ 870 ລ້ານຄົນ ໃນທົ່ວໂລກ ຂາດທາດອາຫານ ຢ່າງຮ້າຍແຮງ

ອົງການອາຫານແລະການກະເສດ ກ່າວວ່າ 1 ໃນ 8 ຄົນໃດ ຫຼື 12.5% ຂອງປະຊາກອນໂລກ ແມ່ນປະສົບກັບ ຄວາມອຶດຢາກ ມາກແຄ້ນ ແລະຂາດແຄນ ສານອາຫານ.

ອີກ

ລູກສອນໄຟຂອງເກົາຫຼີເໜືອ

ສຽງ ເກົາຫຼີເໜືອວ່າ ລູກສອນໄຟຂອງຕົນ ສາມາດຍິງ ໄປໄກຮອດ ສະຫະລັດໄດ້

ເກົາຫຼີເໜືອກ່າວວ່າ ຕົນມີ “ກໍາລັງຈະຫລວດຍຸດທະສາດ” ທີ່ສາມາດຍິງໄປເຖິງ ແຜ່ນດິນໃຫຍ່ສະຫະລັດໄດ້.

ອີກ

ວີດີໂອ ອອງ ຊານ ຊູຈີ ກ່າວວ່າ ທ່ານນາງກ້າພໍ ທີ່ຈະສະມັກ ເປັນປະທານາທິບໍດີ (ວີດີໂອ)

ຜູ້ນໍາປະຊາທິປະໄຕມຽນມາ ກ່າວວ່າ ຜູ້ນໍາພັກການເມືອງນັ້ນ ຕ້ອງມີຄວາມກ້າຫານ ພໍທີ່ຈະເປັນ ປະທານາທິບໍດີໄດ້ນໍາ ຖ້ານັ້ນຄືສິ່ງທີ່ ປະຊາຊົນຕ້ອງການ.

ອີກ

ຕື່ມອີກ

Categories: Uncategorized | Leave a comment

ວິທີຄິດຢ່າງຄົນເກັ່ງ

ວິທີຄິດຢ່າງຄົນເກັ່ງ: ໃຜທີ່ຢາກເປັນຄົນເກັ່ງມີວິທີ ຄິດຢ່າງຄົນເກັ່ງມາບອກ.

  1. ເບີ່ງໂລກໃນແງ່ດີ ແລະ ເຮັດທຸກສີ່ງຢ່າງເຕັມກຳລັງດ້ວຍຮອຍຍີ້ມແລະຄວາມເບີກບານ ເຮັດຕົວໃຫ້ສົດຊື່ນ ມີຊີວິດຊີວາ ແລະກະຕືລືລົ້ນຢູ່ສະເໝີພ້ອມທີ່ຈະປະເຊີນກັບທຸກສະຖານະການ ຈະຊວ່ຍໃຫ້ສາມາດຈັດການ ກັບທຸກເລືອ່ງທີ່ຜ່ານເຂົ້າມາໄດ້.
  2. ມີສັດທາໃນຕົວເອງ ຈົ່ງເຊື່ອໃນຄວາມເກັ່ງຂອງຕົວເອງ
  3. ຂໍທ້າຄວາມຝັນຄວາມຕັ້ງໃຈຈິງ ແລະທຸ່ມເທສຸດແຮງ ຈະເປັນແຮງຊຸກຍູ້ທີ່ຈະເຮັດໃຫ້ສານຝັນສູ່ຄວາມຈິງໄດ້
  4. ຄົ້ນຫາບຸກຄົນຕົ້ນແບບ ເພື່ອເປັນມາດຕະຖານທີ່ດີໃນການດຳເນີນຮອຍຕາມ ສຶກສາແນວຄິດແລະ ວິທີການ ເຮັດວຽກ ຈຸດເດັ່ນແລ້ວອາດນຳມາປັບໃຊ້ໃຫ້ເຂົ້າກັບຊີວິດໄດ້ນຳ
  5. ເລີ່ມຕົ້ນງານໃໝ່ທຸກມື້ດ້ວຍຮອຍຍີ້ມສົດໃສ ເພາະຮອຍຍີ້ມເຮັດໃຫ້ໃຜໆ ຢາກເຂົ້າມາຄົບຫາດ້ວຍການເຈລະ ຈາ ຕິດຕໍງານກໍມັກຈະລົງເອີຍດ້ວຍຄວາມສຳເລັດ

ບໍ່ວ່າຈະເປັນໄວຮຽນ ໄວເຮັດວຽກ ຫຼືໄວໃດໆ ຖ້າຢາກເປັນຄົນເກັ່ງ ລອງນຳວິທີຄິດເຫຼົ່ານີ້ໄປລອງໃຊ້ກັນເບີ່ງ.

Categories: Uncategorized | Leave a comment

ນັກປະຈົນໄພ

ໄປນຳກັນບໍ່?

Categories: ກຸ່ມມັກປະຈົນໄພ | Leave a comment

ຖ້ຳຈັງວັງວຽງ

  • ໄປເບີ່ງແມະງາມແທ້ໄດ………
Categories: ທຳມະຊາດ | Tags: , | Leave a comment

สาวเชียงขวาง

Categories: Uncategorized | Leave a comment

Blog at WordPress.com. The Adventure Journal Theme.

Follow

Get every new post delivered to your Inbox.